Нуркиќ го искористи напнатиот преоден рок за да ги насмее НБА колегите

Предвидениот рок за размени на кошаркари во НБА лигата веќе заврши, а покрај неколку интересни потези на клубовите, го издвојуваме твитот на Јусуф Нуркиќ.

Кошаркарот од Босна и Херцеговина ги насмеа своите колеги од НБА, објавувајќи твит кој на прв поглед можеше да наведе на помисла дека и Нуркиќ ја менува екипата.

Сепак, центарот само објави дека ќе се врати по повредата и тоа на дуелот меѓу Портланд и Орландо.

– Центарот на Портланд, Јусуф Нуркиќ, се враќа во поставата во петок против Орландо. Се рехабилитираше од фрактурата на десниот зглоб, изворите му откриваат на Јусуф Нуркиќ, – напиша членот на Портланд, кој намерно го напишал твитот да наликува на објавите на Адријан Војнаровски.

Portland Trail Blazers center Jusuf Nurkić will make his return to the lineup on Friday vs. Orlando. He’s back from a right wrist fractured. Sources tell : Jusuf Nurkić

— Jusuf Nurkić (@bosnianbeast27) March 25, 2021