Нова одлична партија во ЛШ: Ристовска блескаше против поранешниот клуб

Македонската репрезентативка, Сара Ристовски одигра уште еден квалитетен меч во дресот на ЦСКА Москва во Лигата на шампионите.

Клубот од Русија ова попладне го пречека Крим од Љубљана во меч во кој домаќинките не го оправдаа статусот на фавортите и освоија само бод (21-21). Нашата Ристовска немаше доволно расположени колешки за да целосно биде наградена нејзината партија и фантастичниот учинок од пет погодоци од пет обиди против клубот чиј дрес го носеше во натпреварувачката 2018-2019.

На спротивната страна Танко беше најдобар стрелец со 7 голови, ама од дури 13 удари.

ЦСКА Москва во следното коло гостува во Франција каде ќе се соочи со Мец.