Несторовски може да ја промени средината, но останува во Серија А

Македонскиот напаѓач Илија Несторовски е не излезна врата од Удинезе и прашање е дали тоа ќе се случи во овој преоден рок или на крајот на сезоната кога му завршува актуелниот договор.

Сепак за Иле е важно да игра, да има минутажа и со тоа да биде во комбинација за баражот за Светското првенство, а ова значи дека мора овој месец да го напушти Удине. Репрезентативецот е интересен за повеќе клубови со тоа што последен кој застана во редот за него е Салернитана.

Клубот од Селерно е на последното место на табелата и ќе мора да направи некоја промена, да донесе засилувања во зимскиот преоден рок ако сака да биде конкурентен и докрај се бори за останување во елитната конкуренција.

Голем проблем е ефикасноста, Салернитана има дадено само 13 голови сезоната, па токму Иле кој има големо искуство со играње во Италија може да биде соодветно решение.

Да потсетиме во овој калчолигаш настапува Франк Рибери што значи дека Несторовски би можел да заигра со играчот кој остави трага во европскиот фудбал во изминативе 10-15 години.