Наполи на подготовки во Турција, Спалети го објави списокот на повикани фудбалери (Фото)

По кратката пауза поради стартот на мундијалот во Катар, дел од клубовите полека се враќаат на редовните обврски и почнуваат да мислат за рестартот на сезоната која ќе следи по мундијалот, а Наполи од денеска ќе престојува во Турција во наредните десетина дена.

Новите услови кои ги одреди ФИФА за оваа сезона направија тимовите да имаат и зимски подготовки, но за Спалети е одлична вест што најголем дел од првотимците му стојат на располагање и ќе работи со нив во Турција.

Елиф Елмас е меѓу повиканите фудбалери за тренинг кампот кој ќе го има Наполи во Турција, од кој дел ќе биде и Квича Кварацхелија кој ги пропушти последните натпрвари пред паузата.

Грузиецот очигледно ги надминал проблемите со грбот и ќе биде опција плус за подготовките, на кои Наполи ќе одигра два пријателски натпревари.

Првиот натпревар ќе биде против Анталијаспор на 7-ми декември, додека вториот против Кристсал Палас на 11-ти декември.

📃 Our squad for the Winter Football Series by Regnum

👉 https://t.co/zDPN3gsBPE pic.twitter.com/qW6kHfnk7i

— Official SSC Napoli (@en_sscnapoli) December 1, 2022