Надал загуби сет, но победнички ја стартуваше одбраната на титулата во Мелбурн (ВИДЕО)

Најдобриот шпански тенисер, Рафаел Надал успешно го започна настапот на Австралија Опен, турнир на кој е бранител на трофејот.

Надал за ривал во првата рунда го имаше талентираниот Џек Дрејпер чиј отпор го скрши по скоро четири часа игра на арената „Род Лејвер“. Фаворитот го доби првиот сет со 7-5 и тоа откако му го одзема сервисот на противникот во 12 гејм, но Британецот потоа блесна и наредниот го реализираше со 6-1 за 1-1.

Ова значеше дека 22-кратниот грен слем шампион ќе мора да го крене нивото на игра, па тоа и го направи и в наредните два сета му препушти само пет гејма на Дрејпер за 6-4 и 6-1, поточно конечни 3-1 и меч со Мекензи Мекдоналд во наредната фаза.

First hurdle cleared ☝️@RafaelNadal • @wwos • @espn • @eurosport • @wowowtennis • #AusOpen • #AO2023 pic.twitter.com/u0ZC6254ZR

— #AusOpen (@AustralianOpen) January 16, 2023

Мекдоналд по една голема битка славеше во дуелот со сонародникот Брендон Накашима со 3-2 во сетови.