Милан испрати директна порака за иднината на Леао на „Сан Сиро“

Италијанскиот фудбалски великан, Милан испрати јасна порака околу иднината на напаѓачот Рафаел Леао на „Сан Сиро“.

Португалецот го носи „црвено-црниот“ дрес од 2019 година кога слета во Милано од редовите на Лил. Тој за кратко време се наметна и веќе некое време е меѓу најважните, клучните играчи на калчолигашот заедно со Тео Ернандес и голманот Мајк Мењан.

Офанзивецот има активен договор до 2028 година, но низ медиумите има информации дека ПСЖ и Челси се подготвени да притиснат ова лето и да го добијат неговиот потпис. Меѓутоа Милан има јасно планови за Леао и ако некој сака да го ангажира ќе мора да активира „скромната“ клаузула која изнесува „само“ 175 милиони евра.

-Рафа има откупна клаузула од 175 милиони евра. Ама настрана од тоа, тој сака да остане во Милан. Нему му е многу добро овде, тој треба да биде тој што ќе бара да замине, ама не сака. Да живее Леао во Милан, -порача извршниот директор, Џорџо Фурлани за „Газета Дело Спорт“.