Меси искрено: Две години бев несреќен во ПСЖ

Лионел Меси изминативе две сезони ги мина во дресот на Пари Сен Жермен, клуб во кој дојде во 2021 година и тоа по една ситуација во која се беше договорено да остане во Барселона, да ја продолжи соработката, но во последен момент се се промени и тој мораше да побара нова средина.

Таа епизода заврши и се шпекулираше дека можеби ќе се врати на „Камп Ноу“, ама на крајот самиот одлучи дека не сека да се доведе во неизвесност, да минува низ нова драма поврзана со регистрацијата, па го избра Интер Мајами за следен клуб.

Во интервјуто за „Мундо Депортиво“ и „Спорт“, аргентинскиот репрезентативец откри дека изминативе две години биле тешки, несреќни за него.

-Ова беа две години во кои бев толку несреќен на лично ниво што не уживав. Го имав тој месец кој беше спектакуларен за мене поради освојувањето на Светското првенство, но освен тоа, тоа беше тежок период за мене.

-Сакам повторно да ја откријам радоста, да уживам со семејството, моите деца, секојдневниот живот… И затоа одлуката за Барселона не се случи, -порача ветеранот.