Марота меѓу редови ги потврди шпекулациите за Дибала: Веќе имаме одличен напад

Извршниот директор на Интер, Џузепе Марота меѓу редови ги потврди шпекулациите кои извесен период вртат низ италијанските медиуми, а се поврзани за Пауло Дибала.

Наводно интер го „оладил“ интересот за ангажман на аргентинскиот фудбалер кој во моментов е слободен агент по заминувањето од Јувентус.

Марота потврди дека Интер се интересирал за Дибала, но дека во моментов веќе комплетирале одличен напад со ангажманот на Ромелу Лукаку.

– Дибала е дел од оние слободни агенти кои се слободни на пазарот. Тој беше и е една од можностите за нашиот тим, но веќе го имаме комплетирано нашиот напад со многу добри играчи, -изјави Бепе Марота.

Сега Дибала се поврзува со трансфер во редовите на Милан, но „росонерите“ не можат да му понудат договор каков што бара Аргентинецот.