Манчестер Јунајтед става двајца првотимци на трансфер листа

Манчестер Јунајтед ќе мора да заработи пари со продажба на дел од своите играчи доколку сака да троши милиони и во следниот преоден рок.

Правилата на финансискиот фер плеј велат дека „ѓаволите“ ќе мора да ослободат значителен капитал со тоа што ќе продадат одредени играчи, а според медиумите на Островот, Тен Хаг веќе одлучил на кои фудбалери нема да смета за следната сезона.

„Ѓаволите“ може да извлечат пари од продажбата на Хари Мегваер и Скот Мектомини кои како што пренесуваат островските медиуми, ќе бидат ставени на трансфер листа, но за летниот преоден рок.

Интерес од клубови од Премиер лигата за двајцата фудбалери имало уште и  оваа зима, но Тен Хаг стопирал можен трансфер затоа што Јунајтед се уште се бори на четири фронтови, па ќе им бидат потребни расположливи сили до крајот на сезоната.

Сериозен интерес за Хари Мегваер пројавил тимот на Вест Хем, додека за Мектомини притискал Њукасл, но и двата тима биле одбиени за трансфер на играчите во јануари.