Манчестер Јунајтед ќе се штити од заминување на најдобриот, подготвува нов богат договор за Бруно Фернандеш

Од таборот на Манчестер Јунајтед не сакаат по никоја цена да останат без најдобриот нивен играч оваа сезона, Бруно Фернандеш.

Во јавноста се појавија шпекулации дека Бруно би можел да си оди во Реал Мадрид и Барселона доколку Манчестер Јунајтед не успее да се подигне и не почне да освојува титули.

Токму затоа, сега како што пишува „Сан“ од Манчестер Јунајтед подготвуваат нов, многу побогат договор за Бруно Фернандеш.

Португалецот при неговото пристигнување на „Олд Трафорд“ потпиша договор според кој би заработувал по 100.000 фунти неделна плата, за сега по крајот на оваа сезона да потпише продолжување на соработката за сума од 200.000 фунти неделна плата.