Крај на лошата серија: Ѓуроски и Оуренсе забележаа убедлива победа во Шпанија

Тимот на Оуренсе за кого настапува македонскиот репрезентативец Стојан Ѓуроски стави крај на лошата резултатска серија во ЛЕБ Оро лигата во Шпанија.

Домаќините беа решени да дојдат до позитивен резултат против Мелилја, цел која ја остварија и тоа со убедлив триумф од 20 разлика (74-54). Со ова Оуренсе ја заврши низата од четири порази, односно го забележа првиот лигашки трумф по месец јануари.

Уртасун Уриз со 20 поени беше прв стрелец, нашиот Ѓуроски даде 9 поени со 3 скока и 1 асистенција против неговиот поранешен клуб.

Во наредната рунда Столе и компанија имаат гостување кај Албасете што е можност за нов позитивен резултат.