Поврзете се со нас

Европски купови

Кизиќ спаси бод за Еурофарм Пелистер во Битола

Објавено

на

Foto:facebook.com/hceurofarmpelister

Еурофарм Пелистер не успеа да ги израдува своите навивачи и по вторпат оваа сезона одигра реми средба во Лигата на Европа, со тоа што овојпат се спасуваше од пораз од Агуаш Санташ.

Македонскиот претставник очекуваше да оставари триумф и да си го олесни патот кон следната фаза во европското натпреварување, но вечерва наиде на незгоден и жилав противник, кој може да жали што не си замина и со сите бодови.

Македонскиот тим диктираше во најголем дел од мечот, водеше со три гола во првиот дел, но на полувреме замина само со еден позитива и беше јасно дека ќе гледаме неизвесен натпревар (14:13).

Во продолжение, битолчани диктираа се до резултат 20:19, по што следеше серија на португалскиот тим кој успеа да отиде на плус три и тогаш се доби впечаток дека победата е речиси невозможна мисија.

Добра вест за Ларс Валтер беше тоа што неговите избраници не се откажаа, а благодарение на Кизиќ освоија и бод во самата завршница.

Голманот на Еурофарм Пелистер имаше неколку одлични одбрани, вклучувајќи ја и онаа клучната во последниот напад на Агуаш Санташ (27:27). Токму Кизиќ со осум одбрани беше најдобар поединец во нашиот тим, во кој најдобар стрелец беше Радиќ со пет гола.

Реклама
Реклама
Реклама

Популарни