Кирјос: Не верував дека ќе дојдам до овде, сега следи еден од најспектакуларните мечеви

Ник Кирјос го потврди статусот на фаворит и во три сета го совлада Кристијан Гарин и со тоа обезбеди полуфинале на Вимблдон каде ќе ги одмери силите со Рафаел Надал.

Ова за Кирјос беше 50. победа на грен слем сцената, па сега со нетрпение ја очекува наредната битка која ако ја добие може да му донесе финале и борба за титула на најпрестижниот светски турнир.

-Не верував дека ќе дојдам до овде. Не верувам, мислев дека тој брод отплови за мене. Особено кога ќе се сетам каде бев пред една година. Но успеав тоа да го надминам и навистина сум горд на себе и на тимот. Поради нивото на кое играм, -вели Австралиецот кој очекува спектакуларен дуел со Надал со тоа што Шпанецот има проблеми со стомачните мускули и допрва треба да го потврди настапот во финалето.

-Ќе биде навистина посебно да се игра против Рафа. Имавме големи битки на Централниот терен. Тој победи еднаш, а еднаш и јас. Ние сме две различни луѓе, но мислам дека навистина се почитуваме. Мислам дека ова би можело да биде еден од најспектакуларните натпревари на сите времиња и дека луѓето можат да го проследат со отворени усти цело време, порача во свој стил Кирјос.