Светски првенства
Кантона: Илјадници луѓе го загубија животот на ужасен начин, нема да го гледам мундијалот во Катар!
Светското првенство во Катар ќе се игра во невообичаен термин и на крајот на 2022-ра година, што дефинитивно ќе ги поремети традиционалните клупски обврски и натпреварувања, но и целокупната подготовка за еден голем фудбалски настан.
Катарците инвестираа многу во инфраструктурата и ја добија поддршката од ФИФА иако многумина се противеа за мундијал во оваа земја, која според легендарниот Ерик Кантона во ниту еден случај не заслужува да биде домаќин на Светско првенство.
Незаборавниот француски напаѓач кој брилјираше во дресот на Манчестер Јунајтед најавува дека нема да го гледа мундијалот во Катар кој е чист бизнис на ФИФА, од едноставна причина што се заборавиле моралните вредности и многу работници го загубиле животот во обид да одговорат на проектот на Катар и набрзина да изградат модерни стадиони.
– Да бидам искрен, воопшто не се грижам за следното Светско првенство. Всушност, тоа не е Светско првенство за мене. Во изминатите години, видовме важни натпреварувања како Светско првенство и Олимписки игри во земји кои се во развој како Русија и Кина. Но, Катар не е фудбалска земја и сум против идејата да се одржува голем фудбалски настан во таква земја.
– Ако ме прашувате лично, јас нема да го гледам Светското првенство. Сфаќам дека фудбалот стана бизнис, но фудбалот потекнува од сиромашните, им дава шанса на сиромашните да изградат свои семејства. Фудбалот носи праведност, ако сте подобар од другиот ќе успеете. Во случајот со Катар, се е поради парите, а начинот на кој се третираа луѓето кои ги градеа стадионите беше ужасен. Илјадници работници загинаа градејќи ги тие стадиони, а сега некој ќе оди да го празнува фудбалот и мундијалот. Јас нема да бидам еден од нив, – потенцира Кантона.
-
НБАпред 21 час
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 16 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 17 часа
Голем удар за Ред Бул: Адријан Њуи најавил дека планира нов предизвик
-
Шпанијапред 14 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Англијапред 21 час
Гвардиола не се согласува со Клоп и Ван Дајк и одговори со различен став
-
Македонијапред 20 часа
Анализа по првиот настап: Можеме и подобро, свежа мотивација за Золдер!
-
Италијапред 20 часа
Јувентус договорил нов голман, наследникот на Шчесни ќе биде Италијанец
-
Англијапред 18 часа
Кулушевски доби најдобар можен роденденски подарок (Фото)