Каква легенда: Линдберг го растури Винтертур, а му одбрани и зицер како голман (ВИДЕО)

Германскиот прволигаш Фуксе Берлин се избори за победа против Винтертур од 30-27 во рамките на ЕХФ Европската лига и тоа во средба која беше одбележана од ветеранот Ханс Линдберг.

Данското крило беше фантастично и постигна 10 голови со што беше најдобар стрелец, но овој негов учинок беше засеген од еден друг потег во негова режија. Имено „лисиците“ се најдоа во проблем, Дејан Милосављев кој беше единствен голман во ростерот заработи исклучување, па Линдберг застана да го чува голот на бундеслигашот.

И на таа позиција Ханс покажа дека може да биде страшен, доказ за тоа е одбранетиот зицер при водство на клубот од Берлин од 22-21, односно во ситуација која неговата екипа имаше двајца играчи помалку.

The man can do it all! Not something you see every day, @HansLindberg18 making saves for @FuechseBerlin! 🦊 #ehfel pic.twitter.com/9mlYh3aQUJ

— EHF European League (@ehfel_official) February 8, 2022