Јувентус без Киеза и Погба ќе брка осминафинале во ЛЕ (ФОТО)

Јувентус не успеа да оствари предност на првата средба против Нант (1-1) во Лига Европа, па ќе мора на гостински терен да го оправда статусот на фаворит ако сака да продолжи да биде активен во ова натпреварување.

Калчолигашот ќе мора да го сруши францускиот прволигаш без услугите на Федерико Киеза кој не се најде на списокот на патници, а го нема ниту Пол Погба кој ќе мора да почека некоја друга прилика за деби во Јувентус.

Од претходно се отпишани Аркадиуш Милик и Фабио Морети што доволно говори дека тренерот Алегри ќе ги нема сите ресурси на располагање, но и без овие играчи „старата дама“ важи за апсолутен фаворит за пласман во осминафиналето. Средбата се игра утре од 18:45 часот.

⚪⚫ 𝘍𝘭𝘺𝘪𝘯𝘨 𝘵𝘰 𝘍𝘳𝘢𝘯𝘤𝘦 ✈️📜#NANJUV #UEL pic.twitter.com/5OxXF9a9bB

— JuventusFC 🇬🇧🇺🇸 (@juventusfcen) February 22, 2023