Јунајтед добива „убиец“: Така изгледаат играчите кои секогаш сакаат да победуваат

Манчестер Јунајтед се активираше во завршницата на трансфер пазарот и успеа да ги обезбеди услугите на австрискиот репрезентативец, Марсел Сабицер.

Тој доаѓа од Баерн Минхен и тоа на позајмица до крајот на актуелнава кампања што значи дека ќе има доволно простор да се докаже и покаже зошто премиерлигашот и тренерот Ерик Тен Хаг одлучија да го донесат на „Олд Трафорд“. Марсел немаше статус на првотимец во таборот на „баварците“, па сега „гладен“ за фудбал ќе се обиде да се наметне во Јунајтед.

Неговиот агент, Роџер Витман порача дека клубот од Манчестер добива играч кој има менталитет на „убиец“.

-Тој е најнепријатната личност кога не игра. Мрази да губи, тоа е основата. Карактеристично, детето е убиец. Така изгледаат играчите кои секогаш сакаат да победуваат, -порача Витман.