Изненадувачки трансфер: Баерн враќа клупска легенда за да ја засили одбраната на Тухел (Фото)

Баерн Минхен вчера се спасуваше од пораз и одигра 2:2 на гостувањето кај Ред Бул Салцбург, и тоа со два гола постигнати во второто полувреме.

Германскиот првак засега ги оправдува очекувањата кога е офанзивниот дел од тимот во прашање, но на стартот на сезоната повторно се провлекува проблемот од минатата сезона, а тоа е лошата игра во одбрана.

Томас Тухел не е задоволен од ширината која ја има на клупата за резерви и тоа го нагласи во неколку наврати, па сега неговото барање ќе биде решено со враќање на една клупска легенда.

Џером Боатенг ќе потпише краткорочен договор и ќе биде изненадно засилување за одбраната на Баерн, бидејќи Тухел смета дека стоперските позиции не се доволно добро покриени со Ким, Упамекано и Де Лихт, особено кога на програмата има натпревари секои три дена.

Боатенг утрово бил дел од тренингот на Баерн Минхен и се појавил во клупските обележја, па очекувањата се дека во наредните период клубот и официјално ќе го потврди неговиот ангажман.

Искусниот стопер е жива легенда на Баерн и мина во клубот цели десет години, а сега ќе се врати како слободен агент откако му заврши договорот со Лион.

Bayern confirm that Jérôme Boateng trained with the team today and will continue to train at Säbener Straße in the next few days [📸 fcb] pic.twitter.com/CqoS6zJtVR

— Bayern & Germany (@iMiaSanMia) October 1, 2023

Jérôme Boateng is taking part in training at Säbener Straße alongside the players that didn't start yesterday's game. Move to Bayern is almost done [@kerry_hau] pic.twitter.com/LyjxK6hveI

— Bayern & Germany (@iMiaSanMia) October 1, 2023