Ивановски тргна со победа во квалификациите за Челинџерот во Јокохама

Калин Ивановски втора недела по ред настапува во Јапонија, а по турнирот во Кобе, денеска ги започна квалификациите за Челинџер турнирот во Јокохама.

И овојпат најдобриот македонски тенисер мора да игра квалификации, а во првото квалификациско коло денеска го совлада домашниот претставник Шинџи Хазава.

Двајцата тенисери останаа повеќе од два часа на теренот, а Ивановски мораше да прави пресврт за да стигне до победа со резултат 2:1 во сетови.

Интересно е што во втората квалификациска рунда, противник на Калин ќе му биде кинескиот тенисер Јан Баи, на кого Ивановски поради здравствени проблеми, му го предаде мечот од првото коло во главната фаза на турнирот во Кобе.

Турнирот во Јокохама се игра за награден фонд од 80.000 долари.