Халанд и Рашфорд срушија рекорди во Лигата на шампионите

Младите и талентирани напаѓачи на Борусија Дортмунд и Манчестер Јунајтед, Ерлинг Халанд и Маркус Рашфорд во вечерашните натпревари од Лигата на шампионите се запишаа во книгата на рекорди во ова натпреварување.

Борусија Дортмунд игра против Клуб Бриж и веќе има солидна предност од 3:0, а стрелец на првиот погодок беше токму Ерлинг Халанд кој го постигна и третиот гол на средбата.

Голот на Халанд беше негов 15. гол во Лигата на шампионите со што стана првиот играч кој стигнал до овој број на голови со само 12 одиграни натпревари во најелитното натпреварување.

Претходно овој рекорд го држеа Руд ван Нистелрој и Роберто Солдадо кои постигнаа по 15 гола за 19 натпревари.

Што се однесува до Маркус Рашфорд тој стана најмладиот фудбалер во историјата на Манчестер Јунајтед кој постигнал 15 погодоци во Европа. Со 23 години и 24 дена Рашфорд го помина Вејн Руни кој досега го држеше рекордот со 23 години и 47 дена.