Готи: Несторовски го заслужи голот, тој е голем професионалец

Македонскиот репрезентативец, Илија Несторовски беше автор на победничкиот гол за Удинезе на денешната пресметка против Фиорентина.

Несторовски ја искористи дадената шанса од тренерот Лука Готи кој го смести во почетната постава и со погодокот во 86 донесе три бода за клубот од Удине.

-Несторовски досега имаше малку шанси, ама продолжува да тренира со ентузијазам како млад фудбалер, а не како играч во 30-тите години. Тој го заслужи голот, Иле е голем професионалец, -истакна тренерот Готи.

Ова за нашиот фудбалер беше втор сезонски погодок во Серија А, првиот го даде против Торино на крајот на мината календарска година.