Гостивар се ослободи од Пипкинс и Вајтли, има две нови имиња на бековските позиции

Екипата на Гостивар се реши да направи промени во својот ростер по неуспешниот настап во Купот на Македонија, па така клубот се ослободи од двајцата американски интернационалци Лувејн Пипкинс и Кахлон Вајтли.

Гостиварци решија да им се заблагодарат на Пипкинс и Вајтли, а на нивно место донесоа замени од Србија со тоа што едниот од нив веќе долго е во нашата кошарка.

Се работи за Стефан Крстајиќ кој во новиот клуб доаѓа од Струмица, односно претходно настапуваше за Навико Академија ФМП и Пелистер.

Второто засилување Немања Жигон кој доаѓа од тимот на Нови Сад каде оваа сезона реализирал во проесек по 15,5 поени. Претходна сезона ја поминал во тимот на Дунав (официјална филијала на Партизан).

Дали овие промени ќе ја донесат потребната свежина останува да видиме, прв тест за тоа ќе биде дуелот со Академија ФМП.