Гостивар повторно го надигра шампионот: Тежок пораз на МЗТ во „Младост“

Кошаркарите на Гостивар го растурија МЗТ Скопје со 88-69 во првата средба од 13. коло во најсилниот домашен шампионат.

Гостиварци уште еднаш покажаа дека се незгоден противник за актуелниот шампион затоа што ова за нив беше второ славје против составот од скопски Аеродром. Првиот дел мина во израмнета игра и на пауза се отиде со резултат 40-40, меѓутоа по паузата избраниците на Малинков доминираа на двете страни на теренот, уфрлија 48 и примија 29 кошеви што во случајов беше доволно за убедливо славје во салата „Младост“.

Пипкинс уфрли 25 поени, Корсантија имаше дабл-дабл од 21 поен и 13 скокови кај победникот, додека кај поразените најсветла точка беше Бурсаќ со 16 кошеви.