Ѓорческа издоминира во финалето во Србија и стигна до прва сингл титула во 2023. година

Лина Ѓорческа успеа да ја пронајде својата најдобра форма во најважниот дел од турнирот во Куршумијска Бања, па така ова претпладне стигна и до првиот трофеј во сингл конкуренција во 2023-та година.

Најдобрата македонска тенисерка фуризоно славеше во четвртфиналето и полуфиналето, а без загубен сет го заврши и денешниот меч за титула на фјучерс турнирот во Србија.

Лина не и даде никакава шанса на ривалката од Хрватска, Антонија Ружиќ, па со 6:3 и 6:3 во двата сета стигна до посакуваниот трофеј, кој е прв за неа во сингл конкуренција по оној во Хераклион минатата година.

Вкупно гледано, ова за Ѓорческа е 13-та титула во кариерата, а до истата дојде на нависитна доминантен начин во завршните три рунди од турнирот.

Фјучерсот во Србија се играше на земјена подлога и имаше вкупен награден фонд од 40 илјади долари, па супер вест е што најголемата награда ќе заврши кај Лина која како петта носителка на турнирот стигна до трофејот.