Фергусон заработил незгодна скршеница на лицето во поразот од Гејтџи

Тони Фергусон претрпе тежок пораз од Џастин Гејтџи во УФЦ борбата во лесна категорија која викендов беше на програмата на УФЦ 249 настанот во Флорида.

Фергусон заработи многу силни удари од својот противник и видливи повреди на лицето, а борбата беше прекината од судијата во петтата рунда, со што Гејтџи заслужено стигна до трофејот.

Американските медиуми пренесуваат дека откако бил префрлен во болница на детални прегледи, кај Фергусон била констатирана незгодна скршеница на лицето, односно фрактура на очната орбита или коската која се наоѓа околу неговото десно око кое настрада најмногу во борбата.

Според статистиката, Гејтџти испорачал 143 удари, од кои 100 во главата на Фергусон, а начинот на кој заврши дуелот го искоментира и првиот човек на УФЦ, Дана Вајт.

– Можеби борбата требаше да биде прекината малку порано, Тони беше навистина „оштетен“. Не само што заработи многу удари, туку ги заработи од човек кој удира како камион, – изјавил Вајт.