Енрике во негов стил: Ќе победевме и без црвениот картон

Пари Сен Жермен ја совлада Барселона со 4-1 и со вкупно 6-4 се пласираше во наредната фаза, поточно во полуфиналето на Лигата на шампионите каде ќе ги одмери силите со Борусија Дортмунд.

„Светците“ губеа со 1-0 на „Монжуик“, но по црвениот картон на дефанзивецот Араухо се се промени и гостите со пресврт дојдоа до голема победа.

Тренерот Луис Енрике е задоволен од победата, прикажано, па дури и порача дека сигурно би победиле и ако на теренот останал стоперот на каталонците.

-Беше исклучително тешко да се игра против Барселона. Сентиментално, емотивно за мене. И во фудбалска смисла, не би сакал да ги играм премногу пати. Сепак, многу сум задоволен што поминав. Играњето против мојот поранешен тим, што ми значи многу, беше многу тешко. Како професионалец, морам да ја работам својата работа и мислам дека направив се што можев за да им помогнам на моите играчи. Сега сме во полуфинале.

-Се чувствувам многу горд. Примивме гол, но останавме психички недопрени. Продолживме да играме, да напаѓаме. Црвениот картон на Араухо беше важен фактор, но ние ќе победевме и без црвениот картон. Направивме се што можевме за да бидеме подобри од Барселона. Моите играчи покажаа многу карактер, многу ентузијазам, многу желба. Оваа победа им ја должиме на нашите навивачи, особено на оние кои беа овде вечервa.

-Најдоброто чувство кога сте играч или тренер е да видите дека вашата работа ги прави луѓето среќни. Нема ништо подобро од тоа. Не можете да го купите тоа чувство. Чувството да се направи нешто посебно за клубот е одлично. Сега треба да се бориме во полуфиналето и да се обидеме да стигнеме до финалето, -порача Шпанецот.