Додиг го освои Ролан Гарос и распали по организаторите: Направивте да се чувствувам како турист во Париз

По големото финале во женска конкуренција и победата на Ига Швјонтек, ги дознавме и новите шампиони во игра на двојки во машка конкуренција, а тоа се Иван Додиг и Аустин Крајичек.

Хрватско-американската двојка покажа завидно ниво на завршниот меч и не им оставија никаква шанса на Белгијците Сандер Жил и Жоран Влиген, но по триумфот од 6:3 и 6:1, најмногу се говори за изјавата на повеќекратниот гренслем шампион.

ОТкако изгради важна репутација во поединечна конкуренција, Додиг веќе неколку сезони е еден од најдобрите играчи во двојки, а четвртата титула на Ролан Гарос ја прослави со сериозна забелешка до организаторите.

– Имам да кажам нешто важно. Јас сум четирикратен освојувач на Ролан Гарос и имам вкупно седум грен слем титули, но денеска сум многу тажен. Сите се прашувате зошто? Бидејќи не добив третман каков што заслужувам, како што заслужува секој тенисер кој доаѓа тука. Сите треба да бидеме третирани исто.

– Жалам што морам да го кажам ова, но 15 дена доаѓав на турнирот со такси. Седев на улици во Париз и доцнев на секое загревање со мојот партнер. Чекав таксиња по 40 минути. Се чувствував тажен и се чувствував како турист во Париз. Денес четврти пат го освојувам овој турнир и треба да бидам третиран како секој победник на Ролан Гарос. Се надевам дека следната година ќе бидете подобри, – порача Додиг.