Димитријевиќ и Уникс повторно загубија од Парма Перм

Парма Перм дефинитивно е најнезгодниот противник за Уникс Казањ во оваа сезона во ВТБ лигата и потврда за тоа фактот што актуелниот шампион ги загуби сите дуели со овој ривал во натпреварувачката 2023/2024.

Ненад Димитријевиќ и компанија денеска беа поразени со 89:86 и тоа пред своите гледачи во меч во кој имаа две различни полувремиња што во случајов им донесе негативен резултат.

Македонскиот репрезентативец немаше свој ден, имаше реализација 5 од 19 или поточно уфрли 12 поени со 8 асистенции и 1 скок. Лабери со 19 и Грин со 17 беа најефикасни кај Уникс, додека на другата страна Рис ја предводеше листата со 20 кошеви.

Во наредното коло избраниците на Перасовиќ му гостуваат на Зенит.