Данска испушти победа против Словачка, Македонија ќе мора сама да ја заврши работата во Осло

Македонија ќе мора да ја победи Норвешка во Осло ако сака да го освои првото место групата Д и на тој начин да обезбеди пласман во главната квалификациска фаза за Европското првенство во 2025 година.

Постоеше можност ние и пред вечерашниот меч да ја оствариме таа цел, меѓутоа Данска не ни направи услуги или поточно во драматичен меч загуби од Словачка со 72-71.

Скандинавците водеа со 71-66 на 102 секунди до крајот, но потоа не постигнаа ниту еден кош, противникот направи серија од 6-0 и избори триумф со кој во моментов е на првото место на табелата со учинок 4-2.

Дуелот со Норвежаните започнува во 18 часот и се освен триумф на избраниците на Јончевски ќе биде нов голем удар за македонската кошарка.