Брозовиќ добил понуда која може да ја промени неговата првична одлука

Марсело Брозовиќ долго преговараше со Интер за нов договор, кој треба да му донесе и многу поголема плата, но направениот компромис сега може да падне во вода.

Италијанските медиуми тврдат дека периодов Хрватот добил атрактивна понуда од Барселона, која сега може да добие приоритет и да ги промени претходните планови на Брозовиќ.

Договорот меѓу Интер и играчот за врска истекува во јуни и има се помалку време за продолжување на соработката, но Италијанците сметаат дека Барселона може да ја добие битката со актуелниот шампион во Серија А.

Брозовиќ е исклучително важен за Интер, што го покажува и фактот дека сезонава одиграл 29 од можни 30 натпревари на својат екипа, а единствениот пропуштен меч е во купот и тоа поради суспензија.

Барселона веројатно му ветила клучна улога и во новиот тим на Чави, а шпанскиот клуб може да понуди и висока плата за Хрватот поради фактот што не мора да плаќа отштета за неговиот трансфер.