Битолчани останаа без Ф4 во СЕХА лигата: Мешков Брест со ист рецепт до втора победа против Пелистер

Ракометарите на Еурофарм Пелистер го загубија и вториот меч против Мешков Брест во четвртфиналето на СЕХА лигата.

Клубот од Белорусија потврди дека во овој момент е подобар тим од четата на Бабиќ и успеа да обезбеди место на завршниот турнир во ова натпреварување. Тимот на Мешков со истиот рецепт од средбата од Битола дојде до втора победа овојпат со 35-31.

Имено минатата седмица најдобриот белоруски состав славеше со 31-27 и тоа откако клучната разлика ја направи во првите 30 минути (13-9). И сега видовме таков сценарио, домаќините го реализираа првото полувреме со 18-14, па потоа го контролираа резултатот и го потврдија пласманот во Задар.

Ваилупау одигра фантастично и ги реализираше сите 11 обиде за погодок, кај Пелистер се издвоија Мандалиниќ и Обрадовиќ со по пет погодоци.