Беласица го пронајде наследникот на Беќаров

Македонскиот фудбалски второлигаш Беласица експресно реагираше и го именуваше наследникот на Васе Беќаров.

Струмичани одлучија да се разделат со тренерот Беќаров, а на негово место го назначија Александар Стојанов. Ова за Стојанов е кам-бек на тренерската позиција на овој клуб со кој во сезоната 21/22 малку фалеше да обезбеди пласман во Првата лига, поточно екипата беше поразена во баражот од Скопје.

Во моментот тој беше координатор на младинската школа каде што со успех ја водеше низ оваа полусезона, а оваа функција паралелно ќе продолжи да ја обавува и во иднина.

Беласица до крајот на оваа календарска година ја очекува само уште еден предизвик, дуелот со Арсими на гостински терен.