Барселона по драма ја доби Севилја и обезбеди билет за финалето на Купот на Шпанија (ВИДЕО)

Фудбалерите на Барселона излегоа како победници од полуфиналната битка со Севилја и ќе играат во финалето на Купот на Шпанија.

Клубот од Каталонија по драма славеше над Севилја со 3-0 по продолженијата и со тоа дојде до резултат кој ги носи во дуел за титулата со подобриот од пресметката меѓу Леванте и Атлетик Билбао. Барса во раната фаза го отвори резултатот и тоа со атрактивниот погодок на францускиот интернационалец Усман Дембеле.

Четата на Куман потоа притискаше, ама не дојде до втор гол, па по една контра на противникот во 73 минута судијата Санчез покажа на белата точка.  Одговорноста ја презема Окампос, но голманот Тер Штеген жива му ја фати топката по изведениот пенал.

Ова и даде дополнителна енергија на Барселона која во судиското продолжение преку Пике дојде до 2-0, резулат кој донесе дополнителни 30 минути на „Камп Ноу“.

Во истите домаќините имаа играч повеќе затоа што претходно (92 минута) беше исклучен Фернандо, предност која ја искористија со голот на Брајтвајт во 95 минута за 3-0.

Утре од 21 часот се игра дуелот меѓу Леванте на Барди и Атлетик Билбао, првата средба заврши 1-1.