Але го победи ракот и доби незаборавни овации на „Сигнал Идуна парк“ (Видео)

Себастијан Але мораше предвреме да ја заврши пресезоната со Борусија Дортмунд и веднаш беше испратен на итно лекување, откако при рутински тестови, беше откриено дека има карцином на едниот тестис.

По напрвената операција, најголемото летно засилување на Борусија подлегна на оперативен зафат и потоа мораше да оди на хемотерапија, а откако го мина целиот овој процес и излезе како победник, доби зелено светло за враќање на терените.

Але денеска дебитираше на официјален натпревар за Борусија и влезе како резерва во лудиот меч со Аугзбург, при што доби овации кои ќе ги памети уште долго.

Навивачите на Борусија беа голема поддршка на напаѓачот во најтешките денови во животот, а сега му приредија импресивен пречек на преполната „Сигнал Идуна парк“.

Посебниот момент беше издвоен и од официјалниот канал на Бундеслигата.

Sébastien Haller comes on for Dortmund. The noise… pic.twitter.com/gW7LobyppO

— Archie Rhind-Tutt (@archiert1) January 22, 2023