Аке му пресуди на Арсенал, Сити оди во осминафиналето на ФА Купот (ВИДЕО)

Фудбалерите на Манчестер Сити излегоа како победници од првата сезонска пресметка со Арсенал која ја имаа во рамките на 4. рунда на ФА Купот.

„Топчиите“ се покажаа како незгоден ривал на „Итихад“, меѓутоа избраниците на Пеп Гвардиола пронајдоа начин да го одбранат домашниот терен и се пласираа во осминафиналето на ова натпреварување. Првиот дел донесе прилики/полуприлики за двете екипи, ама не дојде до промена на резултатоот.

Во вторите 45 минута поконретни беа „граѓаните“ кои до голот вреден победа дојдоа до 64 минута откако Алварез прво ја погоди стативата од голот на Тарнер, но во продолжението од акцијата Грилиш го проигра одличниот Аке кој со одмерен удар ја смести топката на посакуваното место.

NATHAN AKE GIVES MAN CITY A 1-0 LEAD AGAINST ARSENAL! pic.twitter.com/XuuuLIBftt

— ESPN FC (@ESPNFC) January 27, 2023

Овие два клуба за кратко време ќе имаат нова битка и тоа на 15 февруари во Премиер лигата.