Агентот на Арнаутовиќ се огласи за понудата добиена од Јунајтед

Непосредно пред првиот натпревар на Манчестер Јунајтед во новата сезона, се појави информација дека клубот тргнал по Марко Арнаутовиќ, но и дека првата понуда испратена до Болоња била одбиена.

Австрискиот репрезентативец беше најдобар играч на Синиша Михајловиќ минатата сезона и беше решение за сите проблеми во нападот на Болоња, па во ситуација кога на Јунајтед му недостасува голгетер, опција на трансфер пазарот станал и Арнаутовиќ.

Наводно, поранешниот напаѓач на Вест Хем побарал од Болоња да го ослободи и да ја прифати понудата од Манчестер Јунајтед, бидејќи сака повторно да ја доживее атмосферата во Премиер лигата.

Првата понуда вредна околу 10 милиони евра била одбиена, а дека претставниците на Арнаутовиќ очекуваат и втора, потврди агентот кој е и негов брат.

– Вистина е декае пристигна понуда од светски познат клуб. Веќе сум во контакт со Болоња и гледаме дали може да се реализира овој трансфер, – изјавил Даниел Арнаутовиќ за „Куриер“.