Вардар немаше сили за изненадување против Рајн Некар Левен

Ракометарите на Вардар 1961 претрпеа пораз од Рајн Некар Левен од 34-25 во првата средба од квалификациите за пласман во групната фаза на Лигата на Европа на ЕХФ.

Новиот тим на „црвено-црните“ одигра рамноправно прво полувреме со бундеслигашот, полувреме кое заврши со нерешен резултат 14-14. Меѓутоа нашиот претставник не беше добар во првиот дел од второто полувреме, минути во кои за кратко време му дозволи на противникот да направи огромна предност од 24-17, па потоа „лавовите“ играа рутински, имаа апсолутна контрола на резултатот, играта и на крајот дојде и до убедлива победа во СЦ „Јане Сандански“.

Лазаревски со 6 и Срдановиќ со 5 гола беа најефикасни кај Вардар, додека Кнор го предводеше РНЛ со 8 погодоци.

Реваншот во Германија е закажан за 3 септември.