Ван Дајк застана во заштита на свој соиграч: Фановите брзо забораваат

Слабата форма на Трент Александер-Арнолд донесе многу критики од фановите на адреса на фудбалерот на Ливерпул, кој во меѓувреме не е во прв и кај селекторот Герет Саутгејт.

Дефанзивните задачи се главен проблем на Александер-Арнолд, а во негова одбрана застана соиграчот Вирџил ван Дајк.

Искусниот стопер на „црвените“ ги обвинил навивачите дека брзо забораваат на позитивниот ефект на фудбалерите.

– Многумина околу нас едвај чекаат да издигнат некој фудбалер до облаци со комплименти, а потоа да му дозволат да тресне на земја најсилно што може.

– Забораваме на здравјето и состојбата на фудбалерите и сите зборуваат за тоа како да треба да го прифатимек како нормална работа. Тој треба само да продолжи да работи и да покаже реакција во однос на последниот период, – изјавил Ван Дајк.