Тен Хаг го потврди отсуството на неколку важни играчи на дуелот со Лидс

Манчестер Јунајтед ќе биде голем фаворит во дуелот со Лидс во Премиер лигата, но за евентуалниот позитивен резултат ќе треба да се избори без неколку ѕвезди од својот тим.

Менаџерот Ерик тен Хаг знае дека на подолг рок не може да смета на Ериксен и Ван де Бек, но на средбата на „Олд Трафорд“ ќе недостасуваат уште неколку важни играчи.

Антони не го санирал проблемот заработен на дуелот со Кристал Палас и тоа е една офанзивна варијанта помалку за Манчестер Јунајтед, а во комбинација и овојпат нема да биде и Антони Марсијал.

Во средниот ред нема да конкурира Скот МекТоминеј кој има проблеми со повреда, додека Касемиро е суспендиран по црвениот картон против Палас.

Натпреварот вечерва започнува од 21 часот.