Швајнштајгер за доаѓањето на Тухел во Баерн: Тој е на нивото на Гвардиола

Бастијан Швајнштајгер ја коментирал тренерската смена и доаѓањето на Томас Тухел на клупата на Баерн Минхен, истакнувајќи го задоволството од решението на својот поранешен клуб.

Швајнштајгер смета дека Баерн повлекол вистински потег кога ја носел одлуката за наследник на Јулијан Нагелсман и очекува успешен период во ерата на Тухел.

– Многу сум среќен поради неговото доаѓање, имам посебно почитување за него.

– Сметам дека е тренер во рангот на Пеп Гвардиола, се надевам дека ќе има големи успеси.

– Во минатото беше во право кога го одби Баерн, тоа се покажа како добра одлука за него, имаше можност да работи со одлични фудбалери во ПСЖ и Челси, па дури и да ја освои Лигата на шампионите, – изјавил Швајнштајгер.