Швајцарски велосипедист го загуби животот на најпрестижната трка во неговата земја

Трагична вест пристигна од Швајцарија, каде домашниот претставник Џино Мадер го загубил животот како последица на падот за време на петтата етапа на Трката околу Швајцарија.

Несреќниот момент се случил вчера при спуштањето во надолнина, кога 26-годишниот Мадер имал судир со Американецот Магнус Шефилд и завршил во провалија.

Лекарска екипа интервенирала веднаш на лице место и Мадер бил пренесен во болница во Шур, но утринава им подлегнал на повредите.

– Тимот на Бахреин Викториус ќе вози во негова чест и ќе ги чува сеќавањата на него на секоја трка во иднина. Остануваме верни на неговата страст и победнички дух и тој засекогаш ќе биде дел од нашиот тим, – стои во соопштението на тимот на Мадер.

Шефилд кој вози за Инеос исто така бил пренесен во болница, но поминал со полесни повреди.

🙏🏻 Gino, thank you for the light, the joy, and the laughs you brought us all, we will miss you as a rider and as a person.

❤️ Today and every day, we ride for you, Gino.

🔗 https://t.co/CSx5BsWfRz pic.twitter.com/caBmfmWwyg

— Team Bahrain Victorious (@BHRVictorious) June 16, 2023