Шокантно признание: Турски фудбалер му го одземал животот на сопствениот син

Турската јавност е шокирана од признанието на фудбалерот Чехвер Токташ, кој го убил сопствениот петгодишен син.

Токташ самиот се пријавил во полиција единаесет дена по убиството, откако претходно успеал да ги залаже лекарите со причините за смртта.

Членот на Бурса Јилдирим бил хоспитализиран со својот син откако петгодишниот Касим се заразил со коронавирусот, а убиството го реализирал во болница, задушувајќи го синот со перница.

Потоа ги повикал лекарите бидејќи наводно жртвата имала проблеми со дишењето, а откако била прогласена неговата смрт, лекарите ја припишале на компликации од коронавирусот.

Дури единаесет дена подоцна, Токташ отишол во полициска станица и го признал делото. Во објаснувањето зошто го направил грозоморниот чин појаснил дека никогаш не го сакал својот второроден син и дека убиството било резултат на нервен слом кој го доживеал во моментот.

Турскиот фудбалер може да добие доживотен затвор, а во својата кариера има настапувано и во најсилната турска лига.