Шокантни сцени: Чилеански репрезентативец доживеа мозочен удар за време на мечот против Бока (Видео)

Натпреварот меѓу Естудијантес и Бока Јуниорс не го дочека својот крај и засега не е познато кога ќе продолжи, а тоа сепак е најмалку важна вест од средбата во Аргентина.

Главниот судија мораше да го прекине мечот по само 27. минути и беше јасно дека веќе никој нема да сака да игра фудбал, бидејќи фудбалер на домашниот тим остана без свест и целосно се згрчи на теренот.

Чилеанскиот репрезентативец Хавиер Алтамирано се струполи на земјата без контакт од противнички играч и првично беше пренесено дека доживеал епилептичен напад, но всушност лекарските прегледи утврдиле дека се работи за доста посериозна состојба.

Имено, играчот за врска на Естудијантес претрпел мозочен удар и најдобра вест е што е надвор од животна опасност, а причина за тоа е и брзата лекарска реакција на медицинските лица кои биле крај теренот.

Аргентинскиот клуб излезе со соопштение и објави дека фудбалерот сега е во стабилна состојба, но испитувањата покажале дека доживеал тробоза на церебралниот венски синус.

– По направените испитувања, утврдено е дека причина за нападот е претрпената тромбоза на венскиот надолжен синус (мозокот). Тој сега е стабилен, прима соодветна терапија и чека дополнителни испитувања. Играчот ќе остане хоспитализиран и под постојана контрола од лекарите, – гласи објавата на клубот.

Javier Altamirano tuvo convulsiones en pleno partido entre Estudiantes y Boca Juniors. El jugador fue trasladado, de emergencia, a una casa de salud.#10AñosConLaRedonda#YoSoyLaRadioRedonda 📻pic.twitter.com/zc94ik25dh

— La Radio Redonda (@LaRadioRedonda) March 18, 2024

𝗣𝗮𝗿𝘁𝗲 𝗠𝗲́𝗱𝗶𝗰𝗼 𝗱𝗲 𝗝𝗮𝘃𝗶𝗲𝗿 𝗔𝗹𝘁𝗮𝗺𝗶𝗿𝗮𝗻𝗼:
Luego de los estudios realizados en el día de hoy, se determinó que la causa de la convulsión sufrida por el jugador fue una trombosis del seno longitudinal superior (cerebro).
Se encuentra estable, con la… pic.twitter.com/eCUaPtpXpx

— Estudiantes de La Plata (@EdelpOficial) March 18, 2024