Сензација во Полска, Лазаров и Нант го елиминираа тимот на Кјелце

Вистинска сензација приредија ракометарите на Нант кои го елиминираа тимот на Кjелце среде Полска славејќи со 34:31.

Оваа победа беше и повеќе од доволна за Лазаров и неговите соиграчи да обезбедат пласман во четвртфиналето каде ќе се сретнат со тимот на Веспрем кој утре само формално ќе го одигра натпреварот против нашиот Вардар.

Францускиот тим одлично го започна натпреварот и веднаш ја анулираше негативата од првата средба која ја загуби со 25:24 и на пауза замина со предност од 15:13.

На стартот на вториот дел Кjелце се разигра и успеа да ја врати предноста во своја корист, а кога многумина очекуваа дека Нант ќе падне на психолошки план, на сцена стапи Кире Лазаров кој со два гола во низа донесе предност за францускиот клуб.

Пред самиот финиш, Игор Карачиќ пропушти клучна шанса по која стана јасно дека Нант ќе биде патникот во четвртфиналето

Валеро Ривера беше најефикасен кај Нант со девет погодоци, а огромна заслуга за пласманот во следната фаза има и голманот Нилсен кој собра 18 интервенции. Кире Лазаров одигра уште еден одличен натпревар постигнувајќи четири погодоци, но и запишувајќи неколку извонредни асистенции кои дојдоа во клучните моменти кога се кршеше натпреварот.

Кај тимот на Кjелце најефикасен беше Кулеш кој реализираше шест гола, еден повеќе од Каралек кој застана на пет.

Кире е жива легенда во Лигата на шампионите: Лазаров влезе во историјата на најелитното ракометно натпреварување