Савиќевиќ: Аргентина не е фаворит против Холандија

Дејан Савиќевиќ ги следи мундијалските натпревари во Катар, а оттаму ги анализирал четвртфиналните парови и ги споделил своите очекувања од оваа фаза на СП.

Актуелниот претседател на Фудбалскиот сојуз на Црна Гора не смета дека Аргентина е фаворит против Холандија, иако „гаучосите“ дефинитивно имаат најдобри фанови.

– Мислам дека Аргентина не е фаворит и има еднакви шанси со Холандија.

– Единствената предност за Аргентинците е нивното искуство, се друго оди на страна на противникот. Не сум воодушевен од нивните игри, Меси е носител на играта, но не е истиот Меси од кој треба сите да стравуваат. Аргентина има најмногу и најрасположени фанови, Меси би сакал да го освои мундијалот и за себе и за нив, но тешко ќе се случи такво нешто.

– Франција и Бразил остануваат главни фаворити за мене, – вели Савиќевиќ.