Рикардињо разочаран од својот клуб: Не знам дали се уште сум играч на Интер

Португалската футсал ѕвезда Рикардињо не го криел незадоволството од начинот на кој се однесува Интер Мовистар во периодот кога сезоната е прекината поради коронавирусот.

Големиот мајстор на овој спорт вели дека не знае каков му е статусот, а шпанскиот клуб не му ја исплатил ниту платата.

– Откако започна актуелната ситуација, од клубот имам добиено само 3.000, наместо 50.000 евра колку што ми припаѓаат според договорот.

– Во моментов не ни знам дали се уште сум или не сум играч на Интер Мовистар, дали треба да одам на тренинг или, – изјавил Рикардињо за медиумите.

Португалецот е разочаран бидејќи не очекувал ваква разделба со екипата чиј дрес го носеше од сезоната 2013/14.

Летово, Рикардињо се сели во редовите на францускиот шампион Париз.