Реал со два нови позитивни случаи, одложен дуелот со Фенербахче

Евролигата денеска го прифати барањето на Реал Мадрид за одложување на дуелот со Фенербахче, кој беше предвиден за среда, 29. декември.

Шпанскиот клуб има нови случаи на кошаркари со позитивен тест на ковид-19 и остана без барем осум играчи од пријавениот состав за одигрување натпревар.

Серхио Љуљ и Џефри Тејлор се двајца нови членови на Реал кои одат во изолација, а од претходно недостапни се и Рендолф, Јабуселе, Нуњез, Ханга, Козер и Поирие.

Први во изолација заминаа Томес Ертел и тренерот Пабло Ласо, но тие веќе се блиску до враќање на вообичаените активности.

Во меѓувреме Фенербахче остана без големите ѕвезди Нандо Де Коло и Јан Весели поради повреди.