Реал го испрати Родриго на „Бернабеу“ со три броја поголема тренерка, соиграчите се прснаа од смеа (Видео)

Реал Мадрид вчера стави крај на сезоната во шпанската Ла Лига и тоа го направи со реми исход против Атлетико Билбао, натпревар на кој последно збогум кажаа неколку големи играчи на „кралскиот клуб“.

Меѓу нив е и Карим Бензема кој изненадувачки реши да стави крај на неверојатната авантура во шпанската престолнина, па иако во прв план беа тој и Асенсио поради стоечките овации, еден момент од увертирата на мечот стана вирален хит на социјалните мрежи.

Во дадената ситуација, во главна улога е младиот бразилски напаѓач Родриго, кој не по своја вина стана предмет за потсмев од страна на своите соиграчи.

Одговорните лица на Реал го промашиле бројот на тренерката и му дале три броја поголема на офанзивниот фудбалер, кој во „XXl“ изданието изгледаше навистина смешно.

Родриго самиот се чудеше на својот изглед и прашуваше како можеле до толку да го промашат бројот, а соиграчите Винисиус и Милитао беа оние кои му фатија најмногу сеир.

The players taking the piss out of Rodrygo because they’ve given him a jacket too big 😂 pic.twitter.com/Rlhy18SGzV

— TC (@totalcristiano) June 4, 2023