Разиграниот Дончиќ го врати Далас на победнички патеки, Лилард „испука“ 11 тројки за три четвртини (ВИДЕО)

Тимот на Далас Маверикс им се врати на победите во НБА лигата, а за тоа најзаслужен е кој друг ако не Лука Дончиќ.

Составот од Тексас ги загуби претходните два дуели против Милвоки Бакс и Чикаго Булс, па Словенецот ги презема работите во свои раце и не дозволи Оклахома Сити Тандер да си замине со позитивен резултат од средбата во „Американ Ерлајнс Центарот“ во Далас (121-114).

Лука беше блиску до трипл-дабл учинок и реализираше 38 поени со 11 скока и 8 асистеции. Најголема поддршка му беа Хардавеј Џуниор и Динвиди со по 20 кошеви.

Кај поразените уште една специјална партија имаше плејмејкерот Гилџес-Александер со 42 кошеви.

Портланд Трејл Блејзерс пак славеше над Минесота Тимбервулвс со 133-112 во средба во која главна ѕвезда беше Демиен Лилард. Лилард уфрли 11 тројки по само три четвртини со што го израмни личниот рекорд. Само Клеј Томпсон од Голден Стејт Вориорс има дадено повеќе тројки по три четртини (14), односно тој го држи рекордот во оваа категорија.

Damian Lillard's 11 3-pointers against the Timberwolves tonight matched his regular season career high.

He drained all 11 before sitting out the 4th, tied for the second-most through three quarters in the 3-point era; only Klay Thompson (14) had more. pic.twitter.com/0JZ3VhFG5L

— ESPN Stats & Info (@ESPNStatsInfo) December 13, 2022

Севкупно Лилард имаше 38 поени, Грент пак додаде 24 кошеви.

Резултати: Индијана – Мајами 82:87, Вашингтон – Бруклин 100:112, Мемфис – Атланта 128:103, Далас – Оклахома 121:114, Сан Антонио – Кливленд 112:111, Портланд – Минесота 133:112, ЛА Клиперс – Бостон 113:93