Рамос одбил да го продолжи договорот со ПСЖ

Серхио Рамос добил понуда за продолжување на соработката со ПСЖ, но одбил да го потпише новиот договор и ќе бара нов предизвик.

Шпанскиот дефанзивец смета дека и натаму може да игра на високо ниво, но ситуацијата со ПСЖ не оди во негов прилог, бидејќи клубот решил да ги промени финансиските услови.

Спортскиот директор Луис Кампос ја менува стратегијата и не сака да им плаќа огромни плати на ветераните во тимот, а покрај намалувањето на платата, решил да елиминира и одредени бонуси кои фигурираат во актуелниот договор на Рамос.

Рамос дојде во ПСЖ во 2021 година, а по првата сезона во која играше многу малку, веќе стигна до 43 настапи за францускиот тим.